تسريب أسئلة الثانوية العامة على الفيس بوك

تسابق بعض النشطاء فى إنشاء صفحات على الموقع الإجتماعى ( الفيس بوك ) تحمل اسم ( خبر عاجل .. تسريب امتحانات الثانوية العامة ) وصل عدد تلك الصفحات حتى الواحدة من بعد ظهر أمس إلى 12 صفحة جذبت إحداهم 19 ألف 696 معجب وأخرى 10 آلاف و 687 معجب .. نشرت الصفحات فى صدر حائطها ( تم منذ قليل تسريب بعض الأسئلة من امتحانات الثانوية العامة من المطابع واليكم صورة من الإمتحان ) وظهرت الصورة غير واضحة المعالم .. ولكن طلب مسئول الصفحة إتباع بعض الخطوات لمشاهدة صورة الأسئلة بحجمها الطبيعى تبدأ بالضغط على كل علامات أعجبنى ثم الضغط على المشاركة ثم نسخ كود وإضافته فى 10 أماكن مختلفة على الفيس بوك .. قال مسئول احدى الصفحات (يا جماعه احنا معانا الاسئله بجد وهنقع تحت المسائله لو نزلناها وانتوا عارفين ان فى ناس بتاجر بالاسئله دى واحنا منرضاش بكدا ,,, احنا وصلنا ل 8,000 عضو ف يوم واحد بس من انشاء الصفحه ,,, احنا هنزل الاسئله اول ما الصفحه توصل ل 20,000 عضو انشرو الصفحه وتابعونا ومتنسوش تعملوا الخطوات اللى موجوده فى الرابط .. استنكر العديد من زوار تلك الصفحات ماجاء بها واصفين إياها بـالكذب والتضليل .. قال محمود التركى ( كله كدب ) وقالت نونا نانا( إحنا حنفتى بقى .. هو إحنا ناقصين الفشر ده .. يارب ولع فى الثانوية العامة واللى اقترحوها ) وقال تيتو على (عارفين ايه هدف الصفحة دى انكم بتعملوا لايك لصفحات تانى وبكده يكون جلب عدد كبير من الاعضاء للصفحات التانية بسهولة ……… اللهم وفق كل مجتهد ولكل مجتهد نصيب .)