Updates from أكتوبر, 2011 Toggle Comment Threads | اختصارات لوحة المفاتيح

  • البركان 9:39 PM on 13 October 2011 رابط دائم | رد
    Tags: , , , ,   

    الدكتور سعيد بيومى يشعر بالندم لحضورة حفل تكريم اللواء طه زغلول 


    كتب – مصطفى الشهاوى :

    كتب الدكتور سعيد بيومى المستشار الإعلامى لمحافظ المنوفية على صفحتة الرسمية على الفيس بوك http://www.facebook.com/saeedbaioumy?sk=wall

    الكلمات التالية وسنعقب عليها فى نهايتها : {{ أشعر بالندم وتأنيب الضمير لأني حضرت أمس ـ بدعوة من بعض القيادات المحلية ـ حفلا لتكريم السكرتير العام للمحافظة بمناسبة بلوغه سن المعاش.. فإذا كان الرجل ـ كما قال بعض المهللين في مواكب الزفة الحكومية ـ قد تميز بالبذل والعطاء، والتضحية والفداء، فإن هذا لا يبرر لمن خطط وأعدّ ونظّم، وأنفق ودعا وكرّم، إهدار المال على هذه الحفلات البروتوكولية الباذخة وهناك المئات الذين يصرخون يوميا أمام باب المحافظة لاستجداء الحكومة لزيادة مرتباتهم المتدنية.. إن مثل هذه المتناقضات في حياتنا وممارستنا كفيلة بالقضاء على روح الثورة.. (هي الثورة بس هتلقاها من مين واللا من مين واللا من مين؟).. ارحمنا يا رب! }}

    التعقيب

    أولاً : الذى وجه الدعوة المستشار أشرف هلال محافظ المنوفية !!

    ثانياً : الذى تحدث فى الحفل ( المهللين فى مواكب الزفة ) كما ذكر د . سعيد هم اللواء ياسين طاهر السكرتير العام الجديد و اللواء طه زغلول السكرتير العام السابق المحتفى به والمستشار أشرف هلال محافظ المنوفية و مقدم الحفل المهندس طارق الوراقى مدير العلاقات العامة بالمحافظة !!

    ثالثاً : لقد ذكر المحافظ بالحرف الواحد أن تكلفة الحفل من صندوق خاص برؤساء المدن ووكلاء الوزارات .. يعنى المحافظة لم تنفق على الحفل مليماً واحداً .. إلا اذا كنت تشكك فى كلام المحافظ الذى انت تعمل لديه مستشاراً اعلامياً

    رابعاً : قال د . سعيد ان الحفل اهدار للمال العام .. وهذه بالطبع ملحوظه ممتازة ولكن اذا كان الدكتور سعيد بيومى يتقاضى ثلاثة آلاف جنية شهرياً مقابل عمل يومين اثنين فى الاسبوع .. الا يعتبرذلك اهداراً للمال العام ؟؟

    واذا كان المستشار أسامة يتقاضى سبعة آلاف جنية مقابل عمل يومين فى الاسبوع و الجلوس فى مكتب المحافظ لتوزيع الابتسامات الا يعتبر ذلك اهداراً للمال العام ؟؟

    خامساً : أنا متفق معك أننا يجب أن نحارب إهدار المال العام فاذا كنت مؤمن بحق ان تلك الحفلة كانت اهداراً للمال العام فيسعدنا سماع خبر تقديم استقالتك فوراً لتوفير آلاف الجنيهات التى تتقاضاها تكفى للمئات الذين يصرخون على باب المحافظة وإن شاء الله سيرسل الله جنوداً تقف بالمرصاد لكل من يهدر المال العام ..

    الإعلانات
     
    • ربيع عزب فيمس 9:58 مساءً on 13 أكتوبر 2011 رابط دائم | رد

      وانا بقى هانقل لكم تعليقات القراء والناس على الخبر هناك لانى قريت الخبر
      بس …سؤالى بقى لو هو قدم استقالته هل الموضوع سينتهى ام سيستمر ؟؟؟ طبعا مستمر لان دى سياسة دولة المستشارين وخلافه ؟؟؟
      التعليقات دى بقى على الصفحة هناك وفيها اراء كتيررررر بس انا مش فاهم بردواا ولا عارف اعمل تعليق بعد ردك وتعقيبك يا استاذ مصطفى … حاسس ان فيه حاجة غلط …
      أشخاص (18‏)‏ معجبون بهذا.
      و
      .
      Mohamed Nawara بحمد الله فإن القافلة تسير ودولة الظلم ساعة فى حين أن دولة الحق إلى قيام الساعة
      أمس في الساعة 10:00 صباحاً‏ · 2‏ شخصانجاري التحميل…
      o
      Saad Kamel و هل علم السيد المحافظ برأي سيادتك هذا
      أمس في الساعة 10:22 صباحاً‏ · شخص واحدجاري التحميل…
      o
      سعيد بيومي نعم.
      أمس في الساعة 10:23 صباحاً‏ · شخص واحدجاري التحميل…
      o
      Saad Kamel اتمنى ان نرى اصلاحا و رد فعل مناسب و لو انى لست متفائل بحدوث ذلك
      أمس في الساعة 10:25 صباحاً‏ · شخص واحدجاري التحميل…
      o
      سعيد بيومي كلنا هذا (المتمنى) وإن لم نبلغ حد التشاؤم بعد..
      أمس في الساعة 10:28 صباحاً‏ · شخص واحدجاري التحميل…
      o
      Saad Kamel الأمل فيما يلى و هذا رأي
      أمس في الساعة 10:31 صباحاً‏ · شخص واحدجاري التحميل…
      o
      يحيى شكر قريبا مصر حتتغير ومعليش فية ثورين بيسعدوا على بقاء الوضع كما هو لازم يكون فية وقفه مع النفس قبل اى شيء كلنا لازم نقف مع انفسنا ونحدد احنا فين
      أمس في الساعة 10:31 صباحاً‏ · 2‏ شخصانجاري التحميل…
      o
      Ola Mohammed Ghotmy دائماً أرفع لحضرتك القبعة احتراماً للآراء اللي بتعجبني جدااااا…يمكن كدا كمان بدأوا يقتصدوا من التكاليف بعد الثورة..أمال لو حضرتك شوفت قبل كدا كان بيحصل إيه؟؟؟بس بصراحة يا دكتور لو كنت جبت لي أكل معاك كان رأيي هيبقي مختلف تمامااااااً لكن كدا أنا معاك طالما مشوفتش أكل.
      أمس في الساعة 02:50 مساءً‏ · شخص واحدجاري التحميل…
      o
      سعيد بيومي طبعا كان فيه أكل مما لذ وطاب.. ولكن أحمد الله أني لم أذق منه شيئا رغم العزومات الكثيرة.. ولو كنت أعرف رغبتك في الأكل لطلبت منهم أن يلفوه لك.. ولما أنت أكولة قوي كده.. مش باين عليك يعني؟!!
      أمس في الساعة 02:54 مساءً‏ · شخص واحدجاري التحميل…
      o
      Ola Mohammed Ghotmy يادي الإحراج اللي علي الهوا ده…عموماً يا دكتور لو سمحت لما يحصل دعوة تاني حضرتك افتكر أخواتك الغلبانين …وبعدين أنا رياضية يفندم..يعني بأكل وبأحرق..حضرتك بس إعزمنا كدا علي خروف وأنت هتشوووووف..بس يكون مشوي علشان مش بحب الحاجات الدسمة.
      أمس في الساعة 03:01 مساءً‏ · 2‏ شخصانجاري التحميل…
      o
      + التحديد كرسالة عشوائية
      + الإبلاغ عن أنه مسيء…
      سعيد بيومي عموما.. كلي.. واحرقي.. وبالهنا والشفا!
      أمس في الساعة 03:05 مساءً‏ · شخص واحدجاري التحميل…
      o
      + التحديد كرسالة عشوائية
      + الإبلاغ عن أنه مسيء…
      Ola Mohammed Ghotmy والله يا دكتور فيه نوعين من الحرق..حرق الدهون بالرياضة وحرق الدم من الشغل.وكلاهما موجودان بفضل الله…بس برضه بقي مفيش يأس مهما حصل.
      أمس في الساعة 03:13 مساءً‏ · 2‏ شخصانجاري التحميل…
      o
      Mohamed Kotp نعم بالفعل شاركتك بالقول من قبل دكتور/ سعيد ولي تحفظ على هذه المظاهر
      أمس في الساعة 04:27 مساءً‏
      o
      سعيد بيومي لم أذكر في المداخلة أي أسماء.. لأن الأسماء ليست هي الهدف.. الهدف هو المصلحة العامة.. وهذا ما أعنيه..
      أمس في الساعة 04:27 مساءً‏
      o
      الجمعية المصرية تمام يادكتوررررررر ياريت الناس تفهم
      أمس في الساعة 04:36 مساءً‏ · شخص واحدجاري التحميل…
      o
      Ahmed Fathy قالوا يا دكتورنا … إن الاعتراف والجهر بالذنب يخفف من وطأة عذاب النفس لتقصيرها على سمو اعتادتت عليه من مبادئ … رغم ان هذا ليس ذنبا لكنه عتاب نفسي داخلي على مبادئ تحيا ومستعد للموت من اجلها … واني لأرى ان هذا من علامات جهاد للنفس كبير لا يدركه ولا يحيط به إلا من وقفه الله له…. تحياتي لك دكتورنا على هذا الجهاد النفسي لكي تظل متمسكا بمبادئك … والذي ضرب لنا سيدنا الحسين مثلا رائعا في باستشهاده بعدم نطقه بكلمه واحدة(هي مبايعته ليزيد) والتي هي تجرده من مبدا أرتضي ان يعيش وان يموت من اجله … تحياتي دكتورنا
      أمس في الساعة 08:55 مساءً‏ · شخص واحدجاري التحميل…
      o
      Hend Teama الشعور لايكفى يا دكتور كفاينا بقى يا ريت توصل صوت لمسئول مهم انم وانت عارفينه
      منذ 22‏ ساعة · شخص واحدجاري التحميل…
      o
      سعيد بيومي وصلت يا أستاذة هند..
      منذ 12‏ ساعة
      o
      Nodi Sakr اه فعلا سمعنا بالوليمه الى كانت معموله حسبنا الله ونعم الوكيل مشكور على راي حضرتك وكمان نشره ع الصفحه في كتير من المسئولين بيكونوا معترضيين على الاوضاع الى حواليهم وبيخافوا يقولوا رايهم ومع الاسف بيكونوا مشتركين في الوزر اللهم اصلح احوالنا جميعا
      منذ 12‏ ساعة · شخص واحدجاري التحميل…
      o
      Fayez Shata أنت لاأكلت ولا كان للمساكين شرف الجلوس معك , سامحك الله , والله من وراء القصد
      منذ 12‏ ساعة
      o
      Fayez Shata could your excellency notify those who are impowered,please?
      منذ 12‏ ساعة · شخص واحدجاري التحميل…
      o

      8

      إعجاب

    • ملك محمد مصطفي 11:49 مساءً on 13 أكتوبر 2011 رابط دائم | رد

      سؤالي للدكتور الفاضل سعيد بيومي وهو سؤال برىء اليس تجهيز
      مكتبك بمبني الديوان العام بما لذ وطاب وتدعيمه بجهاز
      التكييف والذي منه وطرد الموظفين الغلابة منه فور تعيينك
      مستشار اعلامي للمحافظ وتقاضيك نحو ثلاثة الاف جنيةراتب شهري
      اهدار للمال العام واسراف مابعده اسراف “هما الموظفين
      الغلابةماكنش لهم نفس في التكييف ولا اية؟
      أعتقد ان مرتبك ومرتب المستشار أسامة يشغل 20 شاب من
      ابناء المحافظة ويخلق فرص عمل لهم داخل الديوان العام

      إعجاب

    • الشوربجى عبد الرحمن 10:39 صباحًا on 14 أكتوبر 2011 رابط دائم | رد

      طب ليه د. سعيد البيومى والمحافظ والمستشار الاول والثانى والاعلامى والبروباجنادا دى كلها لاتقدم استقالتها عشان المحافظه تنظف والله لو قعدوا فى بيوتهم لاالدنيا تمشى زى الفل ماهى المنوفيه مش حتتغير الا لما الاشاوس دول يقعدوا فى بيوتهم هو الصندوق اللى قالوا عليه دول وارثينه عن ابوهم ماهى فلوس الناس الغلابه من نظافه وتموين وكهرباء واتاوات من الشعب يااخى اللى أختشوا ماتوا وانت بتهاجم قوى انت أخذت كام عشان تكتب الكلام ده

      إعجاب

    • ربيع عزب فيمس 10:41 صباحًا on 14 أكتوبر 2011 رابط دائم | رد

      تعليقا على الاخت ملك مصطفى .. طب ماتوفروهم لينا نشتغل احنا بدل ماحنا كده والشباب مش لاقيين شغل ,,دى حاجة تقرف والله ’’’سواء من هنا او من هنااا …الواحد اتخنق يعنى مصاريف للاكل والعزومات ومصاريف على التكييف والمكاتب ومرتبات بالاف …. مش هاقول غير يافطة بحبها دايما من حركة كفاية زمان قبل الثورة ب سنين لما كانت اليافطة مكتوب عليها عايز اشتغل يا كبير ,,,كانت معبرة عن مئااات الاف الشباب ومعبرة ايضا عن حالة مصر يا ناس السياسة دى لازم تتغير ,,,وانا والله لن انافق احدا لو الفلوس دى من فلوس الشعب يبقى حرام عليكم ومش خايف من حاجة لكن كما ذكر المحافظ بالحرف الواحد أن تكلفة الحفل من صندوق خاص برؤساء المدن ووكلاء الوزارات .. يعنى المحافظة لم تنفق على الحفل مليماً واحداً يبقى بكرر تانى المحافظة لم تنفق على الحفل مليماً واحداً
      لكن لو فلوس الناس يبقى بجد حرام بس نرجع ونقول ماهو المشير بيعمل حفلات وبروتوكولات .. والوزير بيعمل وشرف بيعمل وكله بيعمل …يسا جماعة دى سياسة دولة مادام لسه الثورة لم تغير قوانيين ولا سياسات يبقى مانتكلمش عن الثورة الا بعد كم سنة لما القوانيين تتعدل ,,,ماهو دى سياسة بلد من زمان
      , لابد من مراجعة سياسة الدولة من اعلى الى اسفل من فوق خالص من عند اكبر واحد من عند المشير نفسه ,,اه والله من اول واحد لحد الغفير والقهوجى .
      ..لان موضوع المستشارين دول بقى بايخ اووى ومرتباتهم كتيرر ممكن تشغل ناس كتيرر بس نقووووووووووووول لمييييييييييييين المحافظين هنا والناس هنا بتمشى سياسة دولة وقوانيين قديمة كلهاا محتاجة تعديل من مجلس شعب ورئيس قووى …
      . احب اقول لكم حاجة نصبر ونقول يارب

      إعجاب

    • احمد علي جابر 4:36 مساءً on 15 أكتوبر 2011 رابط دائم | رد

      عاوزابلغ رساله للاخت علا عبد الغني واقول لها يكفيها ماهي فيه بفضل هذا الدلع وهذا الاسلوب في الكلام بينه وبينك يادكتور واللي يفهم من بين سطوره ليه هي بقت مديره التعاون الدولي ..وباين قوي ان كل مقوماتها انها خفه الدم

      إعجاب

      • ربيع عزب فيمس 4:17 مساءً on 16 أكتوبر 2011 رابط دائم | رد

        السلام عليكم ورحمة الله …. انا لما نقلت التعليقات هناا كان من باب توضيح الامور وليس للكلام على العلاقات بين الناس وخفة الدم والكلام الخايب ده الى بيتقال ده …انا ارفض الكلام ده …واعتبره اهانة رغم انى والله لا اعرفها ولا سمعت عنها قبل كده لكن الموضوع الى هو اساس الحوار معروف والنقاش عليه لكن نستخدم التعليقات الشخية للتلميح بايحائاتغير محترمة فهى امر غير مقبول ابدا ابدااا ,,انا اقبل الحوار على الموضوع الاساسى وليس الكلام الفرعى الذى هو نوع من العلاقات الشخصية وانا وغيرى من ناس كتير ممكن نكتب تعليقات زى كده وممكن كمان بنت تكتب عندى تعليق خفيف زى كده مش معنى كده انها قليلة الادب او انها ليها اسلوب دلع والكلام الخايب ده ..مهما كانت فانا مش موافق ابداا على استخدام الامانة فى النقل التى استخدمتها انا لنقل الموضوع حتى يتم التشهير بأحد مهما كان …

        إعجاب

    • أسامه أحمد عبد الستار 5:25 مساءً on 15 أكتوبر 2011 رابط دائم | رد

      من أنت ؟؟ من أنت ؟؟
      باين كده ياجماعةان كل المعلقين هما من الموظفين اللي شغاله مع الدكتور عشان كده كلهم حملة مباخر وكدابين زفه
      والسؤال اللي بيفرض نفسه الا وهو من انت يادكتور لتشغل مكانك؟وما هي مقومات تعيينك ؟ ومن أين تتقاضي مرتبك ؟ والاجابة هي بكل بساطه انك حامل شنطه وعشان تفهم هسألك سؤال …. لو أن ولي نعمتك وصاحب الفضل عليك ومن تدور في فلكه وجودا وعدما ومخليك نافش ريشك قوي كده الا وهو المحافظ بتاعك انتقل أو رحل أو ترك وظيفته ….. مامصيرك يادكتووووور؟المؤكد انك ستغادر غير ماسوف عليك لانك لا كيان ولا وجود ذاتي لك!!! ومن هنا وفر علي نفسك النصيحة وقف امام المرآة ستجد مسخا يحتاج الشفقة …واسف لانيضيعت وقتي معاكوشكرا..وخالص تحياتي للصحفي المحترم مصطفي الشهاوي ويارت تسمع نصيحته .وبامناسبة بحيي الاخت ملك وربيع والشوربجي والباقين معروفين ومشفق عليهم

      إعجاب

      • ربيع عزب فيمس 4:24 مساءً on 16 أكتوبر 2011 رابط دائم | رد

        شكرا استاذ اسامة على التحية ,,, لكن بجد انا عاوز اضيف حاجة مش كل اصحاب التعليقات على الموضوع من الموظفين الى شغالين معاه ,,, ده دفاع عن حقيقة لانى اعرف ناس منهم كاتبين تعليقات عادية جداا ولا يعملواا شيئا عن تلك التفاصيل وهم بجد ناس شرفاء وليسوا كما تقصد ,,,واكرر كلامى مش كلهم يعرفواا التفاصيل دى . وانا واحد من الناس قريت الموضوع على الفيس بوك قبل ماشوف تعقيب الاستاذ مصطفى الشهاوى وكنت زى معظم الناس الى عمالة تعليقات مضايق جداا ولما شوفت الموضوع هناا .. وشوفت ان الحقيقة لها اكتر من زاوية وليس كلنا نرى الحقيقة كاملة ,,عرفت ان مش كلهم عندهم معلومات وتفصيلات زى الى هنا من الاستاذ مصطفى ووضحهااا بجد ابلغ توضيححححححححححححححح وشرح الرؤية من زوايا اخرى ,,, عشان كده انا اخشى تكون ظلمت حد من اصحاب التعليقات ..ممكن يكون عندهم رؤية من جانب واحد .,..والله اقول هذا دفاعا عن الحق فقط … ولو كان نفاقا لما قلت ولا كتبت تعليقى هذا

        إعجاب

    • Mood Joo 12:20 مساءً on 16 أكتوبر 2011 رابط دائم | رد

      رسالة الي من يهمه الامر ولا اقولك الي السيد المحترم مصطفي الشهاوي :-
      انا اعذرك فيما تقوله علي أي شخص لانك من فلول النظام السابق وكنت قاعد في مكتب المحافظ السابق ليلا ونهارا فأنا عارف انك مجروح بسبب الثورة العظيمة فكن حريصا في كلامك وهو اللي مزعلك صندوق الخدمة ولا صندوق رؤساء المدن كلها اهدار للمال العام ياصاحبي وكنت تسعي ان تكون مستشار اعلاميا للمحافظة ولكن الصحيفة المهنية cvلك لاتؤهلك لمنصب رفيع كهذا وبالنسبة للرجل المحترم الدكتور سعيد يتقاضي راتبه نظير عمله ثلاثة ايام اسبوعيا ليلا ونهارا والراتب المذكور غير صحيح يا اخويا تحري الدقة في معلوماتك لان اللي جايب البلد ورا اللي زيك لانك بتعمل بلبلة في الرأي العام بمعلومات مغلوطة ؛؛؛؛؛؛؛؛؛؛ تحياتي فانت بالفعل من أعداء النجاح

      إعجاب

      • البركان 1:04 مساءً on 17 أكتوبر 2011 رابط دائم | رد

        إلى القارئ mood joo الشهير بمحمود الصادق .. ياريت كانت صفاتك مثل إسمك محمود – صادق للأسف فأنت لست محموداً أو صادقاً .. نعم كنت قاعد فى مكتب المحافظين السابقين سامى بك عمارة و حسن بك حميدة و فؤاد بك سعد الدين و تربطنى علاقة وثيقة بهم و بالمستشار عدلى بك حسين و كانت تربطنى علاقة وطيدة أيضاً مع المرحوم عثمان بك شاهين … عارف ليه يامحمود لأنهم كانوا صادقين مع أنفسهم و لايعشقون البروباجندا ولا يعينون مستشارين يتقاضون آلاف الجنيهات ويعملون فى صمت وفقاً لمواردهم المحدودة وكانوا يسعون دائماً لتعزيز تلك الموارد وآخرها 200 مليون جنية إستطاع سامى بك عمارة تدبيرها من وزارة الإسكان لطريق طملاى الجديد .. و معلومة لسعادتك و أمثالك من كدابين الزفة أن اللواء حسن بك حميدة قاد حملة إستبعاد الحزب الوطنى من توزيع الخبز فى المنوفية إستجابة لشكوى منى ضد أعضاء الحزب الوطنى بقويسنا .. ومعلومة كمان أن المهندس سامى بك عمارة كان سبباً فى إخلاء سبيلى من سراى النيابة فى أكتوبر الماضى بعد القبض عليا من مباحث أمن الدولة .. يعنى والحمد لله كنت حزب وطنى صحيح بس مواقفى تشهد لى اللى أنت وأمثالك لن يعرفوها لأننا نعمل لوجه الله فعلاً وصالح بلدنا .. وبالنسبة لمرتب الدكتور سعيد بيومى أنا حبيت أختصر لكن أنتم أردتم كشف نفسكم .. بيقبض 2400 جنيهاً من المنطقة الصناعية بقويسنا ( على أيه ) وحرام ولا حلال ؟؟ ثانياً 500 جنية من المشاريع يبقى 3200 ماشى ياعم الكتكوت ولا نقول كمان .. وفى النهاية الحمد لله يكفينى فخراً أن مهنتى صحفياً ولم أسع فى يوم أن أكون مستشاراً إعلامياً لأحد لأننى أتقاضى أجرى من جريدة محترمة .. وشكراً لكل من زار الموقع ودون وقرأ ..

        إعجاب

    • ايمن المغازي 12:26 مساءً on 16 أكتوبر 2011 رابط دائم | رد

      اوجه رسالتي هذه الي الاستاذ الدكتور مصطفي الشهاوي / كنت نعم المساند والمناضل لنظام سقط من كثرة فساده / كنت اراك في مواكب الزفة الحكومية مهللا ومكبرا / تلمع بمانشيتاتك الوهمية حلات المسؤلين السابقيين امثال سامي عمارة وحسن حميدة / ولكن حضرة الفاضل علم مصر الذي تلتف به حول عنقك الان لا يواري بقايا قميص الحزب الوطني الملتصق بجلد فارجو من سيادتكم ان تقبلو مني موفور التحية وتبتعد تماما عن كلام الحق لان كلام الباطل بداخلك اذهب عنك الحق

      إعجاب

    • علي عبد الخالق عبدالسلام 6:19 مساءً on 16 أكتوبر 2011 رابط دائم | رد

      ردا علي التعليق الاخير للاخ أسامه أحمد عندك حق ف كلامك وكتير قوي مهضوم ومعقول بس عاوز تفهمني ان المحافظ ولي نعمة ده مش بيتهيأ لي ياأخي ده رجل جاحد ومش بيحب حتي نفسه ومغرور ومنفوش ع الفاضي والمحافظ اللي جالانا المحافظة رجل محترم وخير دليل علي كده انه عمل حفله محترمة للواء العظيم طه زغلول واذا كان ولي نعمته مكنش حد غصبه يعمل حفلة بالشكل الفاخر ده …وممكن نقول -أن سعيد بشخصه بيضرب ف المحافظ نفسهأو -ان المحافظ ميعرفش بالكلام ده والاكان اتصرف مع هذا السعيد اللي هيكون باذن الله غير سعيد وان سعيد بيحاول وقاصد يبين ان المحافظ علي علم مع اني باكد عكس كده عموما ربنا هيظهر الحق قريب قوي عشان محافظنا محترم وكمان اللواء طه رجل بكل ماتحمله الكلمه من معني …

      إعجاب

    • علي عبد الخالق عبدالسلام 6:24 مساءً on 16 أكتوبر 2011 رابط دائم | رد

      أما بالنسبة بقي للست علا والدكتور سعيد ده فمن خلال الهزار والدلع اللي كان باين في الرد ده أعتقد انهم وقعوا نفسهم ف شر أعمالهم زي مابيقولوا ” رب ضره نافعة ” بس ده محتاج موضوع لوحده خالص عشان كان الواحد فاهم ان علا تابعة للمحافظ بس ياعيني عليه ظلمناه ودلوقتي بان حاجات كتير ان علا تابعة لسعيد مش لحد تاني .

      إعجاب

    • أحمد علي عامر( المشهور بريشه) 6:40 مساءً on 16 أكتوبر 2011 رابط دائم | رد

      واضح قوي جدا ان نهايتك قربت يادكتووووووووووور اتاري الناس محروقة منك ياشيخ وبيقولوا انك مسمي نفسك نائب المحافظ وان انت اللي ممشي ديوان عام المحافظة علي كيفك .. تشيل ده وتبعد ده ومقضياهاعلي مزاجكزكل دهبثمن بخس دراهم معدوده(غلبان والنبي ) عاوز تفهمني يعني ان المحافظ لو جرا له حاجة لا قدر الله ان انت اللي هتقوم بمهامه “نائب محافظ بقي ” حلوة دي واالله نائب محافظ قال والدليل علي كلامي ان الناس محروقة منك كان في ورقة النهارده الناس عملها الناس اللي بتحب طه زغلول بجد وموزعاها علي كل موظفين الديوان باسم محبي اللواء طه زغلول ….
      فاكرم لك بقي يادكتور سعيد يااللي هتبقي مش سعيد ان تقدم استقالتك وتمشي عشان ما نعملش احنا كمان جروب وهنسميه محبي طه زغلول ونخلعك …ههههههههههه… تحياتي ياكبييييييييييير

      إعجاب

    • زينب أحمد حسن 6:54 مساءً on 16 أكتوبر 2011 رابط دائم | رد

      أنا بقي في بدايه تعليقي بحي الصحفي مصطفي الشهاوي علي حبه اللي بجد للواء طه وده باين ف كلامك ياسبع وباين كمان مابين السطور .انا من اشد المعجبين والمحبين للرجل ده طه زغلول وانا مش لوحدي في ناس كتير قوي بس اصل أصلهم منوفي يعني الاصاله كلها لدرجة ان اكثر من 5 أشخاص قالوا لي والله العظيم بجد مش مجرد كلام احنا عاوزين نعمل له حفله علي حسابنا الخاص لاننا بنحبه بجد…( يا بختك ياسياده اللواء ) ده راجل باشا ومحب للاخرين اصله نقي وصافي مع نفسه ومع الاخرين ومحترم ومحب لعمل وأصيل في وطنيته وجميل ف اسلوبه وطبعه راجل بجد أنا عاملته عن قرب ..واعرفه جيدا
      وبالنسبة لما قيل انا بتمني من كل قلبي ان يكون الدكتور سعيد بيتصرف من دماغه وان المحافظ مايكنش ادا له امر بالتعامل في الموضوع ده انه يكتب من قريب او بعيد عن مظاهر الاحتفال دي لان بجد طه زغلول يستحق اكثر من اللي اتعمل له بكتير

      إعجاب

    • ملك ابراهيم علي 7:02 مساءً on 16 أكتوبر 2011 رابط دائم | رد

      ياخساره يادكتور سعيد القناع اللي انت لابسه وقع انا كنت بكن لك تقدير بس انت للاسف خذلتني وحقيقتك دي بانت لي يوم الخميس بس لما عرفت ان حضرتك كذاب وغير صادق في كلامك مش بتقول الحقيقة خالص . فنزلت من نظري دا بقي بخلاف اللي انت عمال تعجنه في المحافظة.!وان انت بتقول كلام وتعمل عكسه!!! بكده بتبعد الناس عنك وبتخليهم يستهجنوا اسلوبك وطريقتك .خسارتك يادكتور

      إعجاب

    • اسامه أحمد 10:21 مساءً on 16 أكتوبر 2011 رابط دائم | رد

      دا باين ياجماعةان الموضوع أكبر مما يتخيله حد بين علا والدكتور واللي مش مصدق يدخل علي ويكيكيس وشوف تعليقاتهم بتؤكد كل كلمة أي من المعلقين قالوها

      إعجاب

    • عاصم إبراهيم أحمد 10:28 مساءً on 16 أكتوبر 2011 رابط دائم | رد

      اية يادكتور هو انت مش عارف تعليقاتك ولا اية مش انت برده اللي قلت كدابين وزفه يارت قبل ماتنفي اللي انت قلته ابقي راجع كلامك الأول عشان المصداقية والشفافية اللي انت بتنادي بيه ……كدابين الزفه دول هما انت واللي معاك ….انت اللي بدأت يادكتور والبادي أظلم …ومتخافش قوي كتير من المنايفة مخهم كبير قوي وبيوزن بلد وبيفهموا الحاجةوهي طايره.. زي مافهموا علاقتك باللي حوالك وخصوصا وعلي رأسهم علا محمد الغتمي الدلوعة

      إعجاب

    • أحمد عبد الخالق عبد السلام 11:50 صباحًا on 17 أكتوبر 2011 رابط دائم | رد

      انا بتفق مع الأخ أسامه ف الكلام اللي قاله بس عندي استفهام هل يعقل ان المحافظ ولي نعمه ده ؟؟ المحافظ اعتقد انه رجل محترم ومايعجبوش الكلام بتاع الدكتور اللي قاله ده بس مش ممكن يكون المحافظ ولي نعمه واحد بالشكل غير الحب للغير ده وفاكر نفسه هو بس اللي بيفهم وممشي الدنيا ف المخافظة علي هواه زي ما مسمي نفسه هو الكل * الكل يعني نائب المحافظ بقي …والدليل علي كلامي ان المحافظ عمل الحفل ده بحب للرجل المحترم طه زغلول وعلي حسب ماسمعت ان قال عاوز خفل محترم .. الااذا كان الدكتور سعيد بقي قاصد يضرب ف المحافظ نفسه وده احتمال من اتننين يا إما المحافظ مايعرفش بالكلام اللي كتبه سعيد ده وهو بيحاول وقاصد يوضح ان المحافظ عارف من خلال الردود التابعين له في مركز الابداع واللي بتشتغل مع سعيد نفسه بس بردا اكيد المخافظ هيكون له راي لانه رجل محترم زي ماقلت ومبش بيحب الناس البايظة دي اللي بتتصرف من دماغها …ولا اية يادكتووووووور ؟

      إعجاب

    • مصطفي عبد الرحمن 11:56 صباحًا on 17 أكتوبر 2011 رابط دائم | رد

      أما انت بقي يااخت علا فموضوعك موضوع تااااني خالص وكبير قوي وأكيد هنسمع عنك ف الفترة اللي جاية موضوع سعيد مع الدكتور سعيد والللي بيقول كده ردودك وكلامك اللي انت قلتيه يعني انتي اللي اثبتي الكلام ده علي نفسك دخلتي نفسك في حته مش بتاعتك ..وانا اللي كنت فاكرك بتفهمي وتستهلي مكانك وموقعك بس لاقيت فعلا علي حسب المعلقين ان كل مقوماتك خفة الدم وكمان الدلع ..كل دلع وانت كويسه …

      إعجاب

    • ربيع عزب فيمس 3:09 مساءً on 17 أكتوبر 2011 رابط دائم | رد

      على فكرة بقى انا نقلت التعليقات هنا من مبدا الامانة انى ماحذفش تعليقات …بس لما الاقى الناس بتاخد الكلام بتاع الهزا والحاجت دى على انها دلع وحاجت تانية ومعانى تانية احب اقول ان كده وصل الكلام لحد غير مقبوووووووووووووووووول ماحنا معانا عالفيس والنت هزار بنقس المعنى ونفس الكلام هل معنى كده ان البنات الى بيكتوباا كده فيه علاقة وا حاجة بينى وبينهم ؟؟؟ بصراحة انا شايف ان المعاداة واختلاف الراى اعمت ناس كتير عن الكلام فى الاعراض والحياة الخاصة وتشوية سمعة الناس …. بجد الناس بقت تبحث عن اى كسينة او سيف لقتل من ليس معه فى الاتجاه

      إعجاب

    • Ana Masry 10:08 مساءً on 17 أكتوبر 2011 رابط دائم | رد

      الى السيد المحترم مصطفى الشهاوى : نرجو منك أن تسيرالى الأمام وعلى ما أنت عليه ولا تلفت الى صغائر الناس التى تقول عنك أنك من الفلول : هل كل الحزب الوطنى كان فاسداً بالطبع لا وحتى تعلم أن من يهاجموك ويتطاولوا عليك هم من أكبر فلول الثورة المجيدة والدليل على كلامى أن موقع ويكيليكس المنوفية ينشر دائماً قضايا الفساد وإهدار المال العام بالورق والمستندات ولم يكن يوماُ مدافعاً عن أحد الا فى الحق هذا ما لاحظته عبر تصفحى للموقع والغريب فى الأمر هو ما ستقرأه الآن : أن معظم من ينتقدوك هم من موظفى المكتب الفنى المسئول عنه الدكتور سعيد فلم أقرأ تعليقا من موظفى المكتب الفنى ( المغازى – mood joe – علا ) يشير أو يخرج علينا بخبر او مستند به إهدار للمال العام, فالأقدر بهم أن يظهروا على صفحات الفيس بوك بملفات فساد حقيقية بدلا من الدفاع والرد وإظهار مقومات الدكتور الخاص بهم ونشر مؤلفاته

      إعجاب

  • البركان 4:26 PM on 13 October 2011 رابط دائم | رد
    Tags:   

    نجاة محافظ المنوفية من حادث تصادم 


    أشرف هلال محافظ المنوفيةأنقذت العناية الالهية المستشار أشرف هلال محافظ المنوفية من حادث تصادم .. فوجئ المحافظ أثناء إستقلاله سيارته على طريق شبين الكوم أشمون بالسيارة 151176 نقل منوفية تسير بسرعة جنونية وتنحرف عليه بشده .. تمكن محمود حامد قائد سيارة المحافظ من مفاداتها وأجبرها على التوقف و نزل المستشار اشرف هلال وسحب رخصة قائدها بعد تعنيفه بشده وطلب منه اليقظه أثناء السير حماية له ولأرواح المواطنين الأبرياء ..

     
    • ربيع عزب فيمس 4:43 مساءً on 13 أكتوبر 2011 رابط دائم | رد

      الف سلامة والحمد لله جات سليمة … قدر الله وما شاء فعل

      إعجاب

    • ربيع عزب فيمس 4:53 مساءً on 13 أكتوبر 2011 رابط دائم | رد

      الحمد لله ,,, الذى حفظك فله الشكر . ان
      ,, اعتقد المفروض بجد الناس تتحاسب انها بتمشى بكل السرعة دى وفى الاخر نفقد ارواح الناس المواطنيين بكل سهولة ,,,, اتمنى الحادث دى ان شاء الله يكون نقطة تحول فى تشديد الرقابة على الطرق اكثر من الرقابة الحالية لان دى من اجل الحفاظ على ارواح الناس

      إعجاب

    • وائل جداوى 7:42 مساءً on 17 أكتوبر 2011 رابط دائم | رد

      حمداً لله على سلامة سيادة المستشار أشرف هلال

      إعجاب

  • البركان 2:21 PM on 13 October 2011 رابط دائم | رد
    Tags:   

    إطلاق اسم الشهيد النقيب حسين الجزار على مدرسة بقويسنا 


    الشهيد حسين الجزاراستجاب المستشار أشرف هلال محافظ المنوفية إلى إلتماس أهالى طه شبرا بقويسنا وقرر إطلاق اسم الشهيد النقيب حسين عبد الله الجزار على مدرسة طه شبرا الإبتدائية الجديدة تخليداً لذكراه بعد إستشهاده دفاعاً عن قسم شرطة العريش ضد الإعتداء الذي وقع عليه عقب ثورة 25 يناير. أكد المحافظ على تقديره الكامل لدور الشهيد البطل حتى آخر لحظة من حياته .. مشيراً أن تخليد ذكرى الشهداء هو إعتراف بالفضل وإحياءاً لذكرى بطولات وأمجاد تعد دروساً للأجيال المتعاقبة يستلهمون منها روح التضحية والفداء وحب الوطن .. أكد هلال مساندته ودعمه الكامل لأسرة الشهيد ولأسرة كل شهيد على أرض مصر.

     
    • ربيع عزب فيمس 2:57 مساءً on 13 أكتوبر 2011 رابط دائم | رد

      نشكر المحافظ على الموافقة …..
      شكرا سيدى المحافظ لقد شرفتنا عند حضورك جنازة الشهيد حسين الكن لجزار …
      واكرمتنا بالموافقة على تخليد اسمه بين ابناء القرية
      واكرمتنى شخصيا حيث انه صديق شخصى واننى ومجموعة من رابطة شباب طه شبرا مقدمين الطلب نشرككم بصفتنا اصدقاء الشهيد وابناء القرية
      رحم الله الفقيد … وخالص الشكر للسيد المحافظ د اشرف هلال

      إعجاب

  • البركان 11:52 AM on 13 October 2011 رابط دائم | رد
    Tags:   

    تكريم 38 من حفظة القرآن الكريم من ذوي الاحتياجات الخاصة بالمنوفية 


    كرم المستشار أشرف هلال محافظ المنوفية صباح اليوم/الخميس/ 38 من حفظة القرآن الكريم من ذوي الاحتياجات الخاصة الفائزين في المسابقة التي نظمتها مديرية التضامن الاجتماعي بالتعاون مع مديرية الأوقاف ومؤسسة أبرار مصر وذلك بالمسجد العباسي بشبين الكوم ..شهدها إسماعيل طنطاوي رئيس مؤسسة أبرار مصر وعزيزة عمار وكيل مديرية التضامن الاجتماعي قطاع الشئون الاجتماعية بالمنوفية وعدد من قيادات الأوقاف بالمحافظة …أعرب المحافظ المستشار أشرف هلال خلال حفل التكريم عن سعادته الكبيرة لحفظ ذوي الاحتياجات الخاصة من أبناء المحافظة للقرآن الكريم والذي يجسد أن القرآن الكريم معجزة باقية وكتاب الله الكريم مشيرا أن حفظ أصحاب الإعاقات للقرآن الكريم إنما هو أعجاز كبير وقرر "هلال" منح الفائزين من حفظة كتاب الله من المعاقين عضوية مركز الإبداع والتنمية بشبين الكوم للحفاظ علي موهبتهم والعمل علي تنميتها والمساهمة في مساعدتهم علي حفظ القرآن الكريم كاملا

    قالت عزيزة عمار وكيل مديرية التضامن الاجتماعي قطاع الشئون الاجتماعية بالمنوفية انه تم منح الفائزين شهادات تقدير ومكافآت مالية ومنهم الزهراء محمد الحاج موسي وعمر عبد الرحمن السيد وإبراهيم سعيد إبراهيم وحسين عاطف حسين والذين يحفظون من جزأين حتى عشرة أجزاء

     
c
Compose new post
j
Next post/Next comment
k
Previous post/Previous comment
r
رد
e
تحرير
o
Show/Hide comments
t
العودة لأعلى
l
Go to login
h
Show/Hide help
shift + esc
إلغاء
%d مدونون معجبون بهذه: