فوائد انقطاع الكهرباء

أصبح إنقطاع الكهرباء ساعة أو ساعتين يومياً شيئاً أساسياً في حياة المصريين .. نظراً ﻷن الحكومة ودن من طين وأخرى من عجين .. وﻻ أمل فى إصﻻح ماكينات التوليد أو التوربين .. و المبررات كثيرة من اول نقص الدوﻻرات الى عدم وجود الغاز و الجازولين .. وبسرعة تاقلم حوالى 50 % تقريباً من الشعب الحزين .. و البقية بتضرب كف على كف وستنضم قهرا او باللين .. قال الفﻻح الفصيح محمود السمين .. مالكم ياوﻻد ستين فى سبعين .. كتر خير الحكومة بتقطع النور يابنى آدمين .. عارفين ليه يا إبراهيم وسمير و صﻻح الدين .. عشان اﻻوﻻد تتخمد من المغربية وتوفروا الفول و الطحين .. ويعرف ابو العيال يمارس حياته الزوجية قبل مايعدى العمر والسنين .. ويبطل الصبيان القعاد على الكمبيوتر اللعين .. عشان تحمى نظرهم وتبعدهم عن الفيس بوك و مواقع السكس يامحرومين .. وممكن يكون السبب مساعدة الغﻻبة اللى زيكم و الشقيانين .. بتخفيف فاتورة الكهرباء من سبعين الى عشرين .. او بتذكركم وتشجعكم للعودة للماضى الحنين .. باشعال لمبة الجاز و الكيروسين ..وتوفروا انابيب البوتجاز كمان بالطبيخ فى الفرن و على الكوانين ..وتسخنوا عليهم المايه لزوم الحما و غسيل الهدوم واﻻطباق واﻻكواب وحتى الفناجين .. وكمان تقفلوا على الدفايات وتولعوا راكيه من القوالح وخشب الموالح و التين ..واقفل اﻻبواب و الشبابيك يامعلم سماعين ..عشان تكون نهايتك واوﻻدك باسفكسيا الخنق يامسكين … وﻻ تطير شرارة تولع السطوح وتتحرق بيوت الطين .. ويضيع فيها كام جدع وﻻ بنتين .. وبكده تخلص الحكومة من الزيادة السكانية في غمضة عين .. طبعاً دا تخطيط وتفكير ابليس ابو الشياطين. .وهى دى بعض فوائد انقطاع الكهرباء اعزائى القراء المحترمين …
مصطفى الشهاوى

Advertisements