Updates from نوفمبر, 2011 Toggle Comment Threads | اختصارات لوحة المفاتيح
-
البركان
عن الأهالى
-
البركان
ابراهيم وشقية يوسف اصيبا فى حادث هروب المسجون
أصيب الشقيقان ابراهيم محمود مدبولى – 9 سنوات – و يوسف – 8 سنوات – الأول بطلق نارى فى الساق اليسرى والثانى بطلق نارى فى البطن وحالتهما العامة خطيرة وجارى علاجهما بمستشفى جامعة المنوفية
-
ربيع عزب فيمس
ربنا يشفيهم يارب ,,,
من اين اتى السجين بالسلاح ؟؟؟؟؟؟؟؟؟؟؟؟؟؟؟؟؟؟؟؟إعجابإعجاب
-
عمرو عادل
لايسعنى سوى الدعاء لهم بالشفاء العاجل .
إعجابإعجاب
-
قويسنا الحره
حضرت الواقعه المساجين يقومون بعمل نظافه فى قسم الشرطه والضباط والامناء يصلون الجمعه فى المسجد والسلاح اخذه المسجون من الامين
إعجابإعجاب
-
-
البركان
برافو أهالى ومباحث قويسنا .. قبضوا على مسجون حاول الهرب أثناء صلاة الجمعة
تمكن أهالى ومباحث قويسنا من القبض على مسجون حاول الهرب من سجن قويسنا .. فوجئ المصلون بمسجد المساعى المجاور لقسم الشرطة أثناء آذان اقامة صلاة الجعة بسماع طلقات نارية .. خرج مجموعة منهم من الصلاة وشاهدوا احد نزلاء سجن قويسنا يقفز من على السور و يطلق طلقات نارية من طبنجة بحوزته أسفر عن اصابة طفلين اشقاء اثناء عبورهما الشارع .. سارع الاهالى وقوات الشرطة بالجرى وراء المتهم الذى قام بتثبيت توك توك للفرار به الا ان الناشط محمد الغريب تمكن من اللحاق به و القفز فى التوك فضربه المتهم بدبشك الطبنجه وصعد الى احدى العمارات السكنية فتمكنت قوة المباحث من القاء القبض عليه …. تم نقل المصابان الى مستشفى الجامعة وجارى التحقيق ..
قال خالد بلابل أحد شهود العيان والذى شارك فى محاولة ضبط المتهم أن المسجون أثناء التحقيق معه غافل الضابط وخطف طبنجته واستخدم الشاب محمد مطاوع 16 سنه كدرع بشرى ثم تركه عندما أسرع العديد من المواطنين بمحاولة اللحاق به ..
-
امير
برافواااااااااااااا كل اهالى قويسنااااااااااااااااااااااااااااااااااااااااااااااااااااا
إعجابإعجاب
-
عمرو عادل
اولا ..برافو محمد الغريب على عدم تقاعصه عن المساعده فى القبض على الهارب ………. ثانيا ..برافو استاذ مصطفى على ادراج الموضوع بهذه السرعه ومتابعة اخبار المدينه اول بأول .. لكننى لا استطيع القول برافو مباحث مدينة قويسنا حتى اتأكد من ان الرصاص الذى اطلق على الاطفال ليس من اسلحتهم لا من الهارب .. لانه لو كان منهم لما كان هذا ثمن القبض على هارب من اناس يفترض بهم الحرفيه فى عملهم .. وشكرا اخيرا للبركان .
إعجابإعجاب
-
ahmed
لا اله الا الله الاطفال دلوقتى فى مستشفى الجامعة مصابون اصابات خطير والشاب محمد مطاوع ده صحبى وعنده 15 سنة مش 16 ويارب الاطفال يخرجو بالسلامه
إعجابإعجاب
-
ربيع عزب, 
أنس عبد الرحيم, and 1 other are discussing. 
عمرو عادل, and 
امير are discussing. 
البركان .. أول صحيفة إلكترونية على مستوى محافظة المنوفية .. 
وائل جداوى 11:15 مساءً on 11 نوفمبر 2011 رابط دائم |
شكراً يا أستاذ مصطفى ونرجوا من الله أن ينظر لنا سيادة المستشار ويحل مشكلتنا إن شاء الله
إعجابإعجاب
ربيع عزب فيمس 11:25 مساءً on 11 نوفمبر 2011 رابط دائم |
الواحد هنا ف طه شبراااااااااااااااااااااااااااا الانبوبة ب 20 جنيه مع علم رجال التموين والوحدة المحلية ….
وصل عم عبدالعزير الى مكتب المحافظ وقابل سكتير المحافظ وفاجاة وجد المحافظ امامه
فال عم عبدالعزير اهلا بيك ارحمنا احنا بنتعامل معاملة وحشة ف طه شبرا بمعرفة بتوع التموين …راح المحافظ كلم وكيل وزاراة التموين وقال له جاى لك الاخ فلان ابعت له عربية لطه شبرا وشوف طلباته …
نشكر المحافظ على مجهوده والراجل جه البلد وقابلنى وحكى لى الموقف
ولكن هل يفترض ان كل مواطن يروح للمحافظ يترجى عربية انابيب ؟؟؟؟ الاجابة لا يبقى المفروض عم الحج وكيل وزارة التموين
بتاع التموين يشوف هو مسؤل عن موظفين التموين السريحة دوووووووول سريحة على الغلابة ؟؟؟ بياخدوا سبوبة مثلا ؟؟؟ ولا ايه ؟؟ السيد وكيل التموين راح ناشر خبر تانى يوم العيد او تالت يوم انه مسك 94 انبوبة مهربة هههههههههههههههههههههههههههههه ياراجل 94 بس ده المنوفية كلها بتهرب ده عربية المستودع فيها 300 انبوبة يعنى لو هرب نصفهاا يبقى 150 ده لو كان طيب وهايهرب نصف العربية …
ارحمنا يرحمكم الله
السسيد المحافظ ارجو مقابلتك من اجل ان تعرف طلبات الفقرااااااااااااااااااااااااء
احنا ناس بنام من غير عشا فى بعض الايام انت فاكرنى هانكسف لا مش مكسوف بنام من غير عشا اه هو انت فاكر ده كان ايام الفراعنة ؟؟ لا موجود حاليااااااااااااااااا ,,, العيش بيسرق والانابيب والمواصلات والهم والغم والاسىىىىىىىىىىىى …
فيه حاجات كتير محتاجينها البسيطة من وجهة نظر الاغنياء هى الدينا كلها عند الفقراء
اتمنى تكون الرسالة وصلت …. الفقراء اولا ..الفقراءءءءءءءءءءءءءءءءءءءءءءءءء اولا
المحافظ قام بدور مهم مع عم عبدالعزيز …
وعمل معاه الواجب وعم عبدالعزير فرحان وبيقول معايا رقم المحافظ وعمل معايا الواجب
,, نشكركم على خدمة اهالى طه شبرا ولكن نريد منكم ان يتحرك المسؤلين عن التموين لحل المشكلة من خلال عدم وجود رقابة على رجال التموين اصلا …
ان كان الرقيب هو المتحالف مع الشيطان اقصد مع اصحاب المستودع فمن بيكون عليه رقيب ؟؟؟؟
إعجابإعجاب
ربيع عزب فيمس 5:51 مساءً on 12 نوفمبر 2011 رابط دائم |
لم انتهى من كتابة كلمات الشكر الى المحافظ ولم يمر اليوم حتى نجد حادثة قتل بسبب انبوبة ؟؟؟ كلنا شركاء فى الجريمة
كلنااااااااااااااااااااااااااااا محافظ ووكيل وزارة وموظفين ومواطنين وانا وكل الناس
ان من مات اليوم قد شاركنا جميعا فى قتله بصمتنا نحن المواطنون
وسكوتنا كان من باب اولى ان يتم قتل كل مواطن سكت عن الظلم وانا باسمى ,,,ربيع عزب اعلن واعترف انى شاركت فى قتله الاف المرات لاكتفائى بالحديث فقط ونشر المشكلة وارسال شكاوى الى خدمة المواطنيين التى لا تجيب ولا ترد علينا
كلنا شركاء فى الجريمة
كان اولى بالقتل انا اولا
و الموظف المسؤل عن التموين
ثانيا قتل رئيس الوحدة المحلية
ثالثا قتل رئيس مجلس المدينة
رابعا حتى نصل الى اعلى سلطة وولى امر فى مصر كلها مهما كان هو حتى لو كان مشير
…ان حرمة دم المسلم اشد عند الله تعالى ..
… ماذا كسبنا من صمتنا وقد حذرنا منهااااااااااااااااااااااا ولكن لا احد يرد علينا كما لو كنا نتكلم مع انفسنا فى صحراء
قام عاطل بطعن حارس أمن بمطواة في صدره وتركه وسط بركة من الدماء بسبب الخلاف على تغيير أسطوانة غاز، وتم نقل المصاب للمستشفى. وتم تحرير محضر بالواقعة وباشرت النيابة التحقيق.
بالانتقال الفوري والفحص تبين لرئيس المباحث الجنائية أنه في أثناء قيام المجني عليه باستبدال أسطوانة بوتاجاز من قرية جروان فوجيء بقيام محمد فوزي عبد الله (24 سنة ـ عاطل) بالتعدي عليه بمطواة محدثا إصابته بسبب استبدال أسطوانة الغاز.
تم تحرير محضر بالواقعة وباشرت النيابة التحقيق. النيابة تحقق فى ماذا ؟؟ فى جريمة قتل ام كل جريمة سوف تحدث كل ساعة وكل يوم .
.ان لم تهزر تلك الكلمات قلوب وعقول من يحكمون مصر فبعدها
لا حول ولا قوة الا بالله … ان لم تتحرك كافة القلوب والمواطنيين من اجل منع الاحتكار ووزير كذاب يجلس فى القاهرة يخرج علينابتصريح غبى بان الازمة مفتعلة او متنيلة ييجى يشوف فين الافتعال والتجار والسريحة شركاء مع موظفين التموين ؟.؟؟ انا قرفت والله ومش قادر اتكلم تانى
السيد محافظ المنوفية ,,,
السيد وكيل وزارة التموين
السيد رئيس مجلس المدينة
السيد رئيس الحى او رئيس الوحدة
السادة شعب مصر جميعا … البقاء لله وحده فلسنا اهل لتلك البلدة ولا نستحق العيش فيها ان لم نحفظ دمائنا واعراضنا ,,,
السادة المسؤلين
السادة المواطنيين
كل منا له يوم يقف امام المولى عز وجل ليساله عن رعيته عن اهل بيته وعن اهل شركته وعن اهل مدينة واهل محافظته واهل دولته ,,, كل على قدر مسؤليته ,,, قال تعالى ( وَقِفُوَهُمْ إِنَّهُم مَّسْئُولُونَ ,مَا لَكُمْ لاَ تَنَاصَرُونَ, بَلْ هُمُ اليَوْمَ مُسْتَسْلِمُونَ )قفوهم حتى يسألوا عن أعمالهم وأقوالهم، التي صدرت عنهم في الدار الدنيا,وإنهم محاسبون
,يَقُولُ يَا لَيْتَنِي قَدَّمْتُ لِحَيَاتِي (24) فَيَوْمَئِذٍ لَّا يُعَذِّبُ عَذَابَهُ أَحَدٌ (25) وَلَا يُوثِقُ وَثَاقَهُ أَحَدٌ (26) يَا أَيَّتُهَا النَّفْسُ الْمُطْمَئِنَّةُ (27) ارْجِعِي إِلَى رَبِّكِ رَاضِيَةً مَّرْضِيَّةً (28) فَادْخُلِي فِي عِبَادِي (29) وَادْخُلِي جَنَّتِي (30) وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّى لَهُ الذِّكْرَى (23)
إعجابإعجاب
أنس عبد الرحيم 10:42 مساءً on 15 نوفمبر 2011 رابط دائم |
بالله عليك يا أستاذ مصطفي تقول ربيع انت عاوز اية بالظبط انا بقي مش فاهم من كلامه اي حاجة ولا احنا عارفين هو عاوز اية ؟؟؟ شوية يشكر المحافظ ويمجده قول له طمعان في اية يارررررربيع ولا الحقلا مش عليه الحق عل المحافظ نفسه وانا متابع لحضرتك وبحييك علي كتابابتك وانا عن نفسي في انتظار المزيد والكثير منك تحياتي
إعجابإعجاب
ربيع عزب 6:33 مساءً on 18 نوفمبر 2011 رابط دائم |
الاخ انس على فكرة انا لما بشكر بشكر على حق ولما انتقد ببقى بنتقد على حق او انا شايف ان ده الحق ..يعنى مش نفاق ولا تمجيد ولا بردوا خلاف شخصى وبنقد عشان خلاف …. شوفت بقى انت مش فاهم حاجة خالص ليه ؟؟ لانك فاكر ان الكلام لازم يكون كله نقد وكلام عن عدم الجدية او عدم العمل ..او انه يكون تمجيد وشكر ..لما يكون فيه حاجة حلوة بنتكلم عليها ونشكر ونمجد لان الحاجة الحلوة خير يعم على الكل ولما نكتب فى مشكلة زى الى حضرتك قريتها كده يا انس هاتلاقى انها نقد كبير كمان يعنى مش شكر ولا تمجيد ده معناه انك لما تحس بالحاجة الحلوة تشكر ولما تلاقى مشكلة تقول عليها وماتنكسفش على فكرة انا مقدم على وظيفة واى شغلانة حتى لو عامل ف مصنع يعنى مش بخبى ولا عاوز حاجة ولو النقد بتاعى وعرض مشكلة هايضيع على الشغلة او الظيفة مش هانكسف واقول بردوا الى بحس بيه ده عشان انا بكون مرتاح وانا بقول الى جوايا انما انت بقى ماعرفش مش فاهم ليه ؟؟ عارف مش فاهم ليه ؟؟ لانك فاكر انى عشان مقدم على وظيفة او شغلانة انى هابقى منافق واما اطبل وانافق عشان المصلحة او اشكر وامجد عشان المصلحة ,,شوفت مشلكتك انك مش قادر تفهم ان فيه ناس بتتكلم من قلبها ومش موضوع هدف او مصلحة ازى ؟ اتق الله ان بعض الظن اثم ,,, ماعرفش هل فهمت كده ولا لسه ؟؟ اعتقد لو انت عرفت ربيع بجد وقعدت معاه زى الاستاذ مصطفى او المحافظ او اى حد زى ادمنالصفحة غير الرسمية لمركز شبكات مرافق المنوفية تجمع للعاملين
كنت هاتعرف ربيع بيفكر ازى وبيحلم بايه ؟؟ لو كنت رحت التحرير يوم 9 ابريل وشوفت الطحن يوم 8 ابريل ودم الناس مغرق الاسفلت وانتظرت هناك لحد الساعة 1 ونص بليل وانت مش عارف هل هاتموت اللية دى ولا الجيش مش هاييجى وانت قاعد منتظر هاييجى يكمل ضرب ولا مش جاى ؟؟ كنت هاتعرف انى اصلا خسرت شغلى بسبب الثورة لما الشكرات تعثرت وتعرف انى لحد الان عمرى مابلعن الثورة ومؤمن ان هايجى يوم وابنك يستفيد بسبب ان فيه رجالة قعدت فى الميدان وفيه ناس قعدت فى البيوت … سلام يا صديقى اتق الله واوعى تمجد فى حد الا فى عمله الحقيقى وولو عمل حاجة غلط او مقصر فى حاجة قول وواجه عشان نعمل الصخ شوفت بقى انا بفكر ازى ؟؟ اتمنى لك الخير يارب وسلامى للجميع
إعجابإعجاب
ربيع عزب فيمس 2:51 صباحًا on 19 نوفمبر 2011 رابط دائم |
سيادة المحافظ الشعب يريد انبوبة ونريد دعمنا ودعم اللجان العشبية بتوجيهات شخصية منكم وتاكيدات مرة تلو اخرى ساعدونااااااااااااااااااا فى حل المشكللللللللللللة https://www.facebook.com/photo.php?fbid=279178238791539&set=o.228616140486316&type=1&ref=nf
الساعة الان الثانية والنصف بعد منتصف الليل …وقد عدنا بسلامة الله بعد رحلة طويلة فى تنظيم توزيع انابيب البوتاجاز ,,ولاول مرة فى حياتى اكون من احد قيادات المظاهرة قبل كده كنت بكون مشارك لكن المرة دى روحنا وعملنا مظاهرة امام الوحدة المحلية ورئيس الوحدة المحلية ضد الوتاطء العلنى والصريح والمفاوضات على حقوق الشعب ,,يعنى ايه صاحب المستودع ف طه شبرا ياخد 150 انبوبة ليبيعها بسعر 30 و 35 جنيه ويترك لنا نحن اللجنة الشعبية 150 انبوبة لتوزيعها على قرية تعداداها 20 الف … اول مرة اهتف بكل قوة ونطلع فوق السور وونهز ابواب الوحدة المحليه وتهديدات باقتحامها لمنع المفاوضات التى تذكرنى بمفاوضات مبارك قبل الخلع .. وشكر خاص حيث كان هناك استجابة ودفعة قوية نتيجة اعتماد اللجان الشعبية من المحافظ د اشرف هلال ورئيس مجلس المدينة و المستشار العسكرى بالمنوفية ارسل لنا مندوب للتفاوض وبعد فشل المفاوضات قمنا بالاتصال بالنجدة وتم ارسال سيارات الشرطة وبكل تعاون منهم ارسل الظابط واحضر عربة امن مركزى لتامين الموقف بعد ان كاد يشتعل الى حد ان اصحاب القرية كانوا مستعدين لفعل اى شىء تجاه من يسرق وقت الشعب هناك من لا يجد 30 والله العظيم فيهناس مش لالالاقية حرااااااام …والحمد لله تم توزيع الانابيب بعد مشقة وتعب لكن بجد الناس فرحانة والزغاريط اشتغلت وعليت لما اخدنا من اصحاب المستودع عربية الانابيب ,,بجد الناس محتاجة حد يصحيها ويقول لها حقك اوعى تسكت عليه ..صاحب المستودع وافق لما لقى ضغط شعبى رهيب واعترف مساعدة امنية بجد عملت وجودها فعلا كان مؤثر لصالحنا وكمان لما الظابط بعت واستعان بامن مركزى زيادة كل ده حاجات حلوة …بس الى متى سوف نظل نحن نخرج ونعود ليلا ؟؟؟ الى متى تنهى المشكلة بحلول حقيقة .زمذا لو حدثت مجزرة من اهالى القرية ضد اصحاب المستودع ؟؟؟؟ سؤال ممكن ان يكون امر واقع ؟؟؟ تحياتى ربيع عزب وعلى فكرة انا لسه ماخدتش انبوبة ..سيادة المحافظ الشعب يريد انبوبة ونريد دعمنا ودعم اللجان العشبية بتوجيهات شخصية منكم وتاكيدات مرة تلو اخرى ساعدونااااااااااااااااااا فى حل المشكللللللللللللة .. اظن مش كل مرة هاناكلم الشرطة والنجدة والامن المركزى ..يارب حلول سريعة لان صاحب المستودع مش ناوى على ان يعدى الموضوع كده لانه كده بيخسر مكاسب رهيبة من فرق سعر الانبوبة ..صديقى ابو انس اتمنى تحضر معنا وتشاركنا ف يوم فى الاعمال الجميلة دى .. اتمنى من صديقى ابو انس يكون فهم احنا عاوزين ايه بالظبط عايز الخير ليا وللناس يعنى مش ليا بس
إعجابإعجاب